Bygdelista, KrF – og eit demokratisk val.

Lagt inn 10. september 2011 av admin
Måndag er det val, og vonleg vil dei aller fleste røysteføre i bygda vår finne vegen til røystelokalet, og på den måten gjere si borgarplikt. Det har vore ein roleg, venskapeleg og lite spanande valkamp i Evje & Hornnes. Det er heller ikkje mogleg å peike på nokre tydelege kampsaker som det har vore stor usemje om i det politiske miljøet. Det var likevel tragisk då den politiske fyrstereisguten i KrF, Morten Haraldstad, i rein panikk – og ungdomeleg dumskap, freista å råke Bygdelista i eit lesarinnlegg i Setesdølen no på fredag. Eit sleivspark – og totalt skivebom. Flaut for dei næraste årørande. Haraldstad skriv at ei røyst til Tverrpolitisk Bygdeliste er ei røyst til Line Vennesland som ordførar. Tull og tøys. Oppspinn. Tverrpolitisk Bygdeliste har aldri diskutert ordførarspørsmålet med nokon som helst. Me tek livet med ro. Me har ei avslappande haldning til heile valsirkuset. Kven som skal verte ordførar i Evje & Hornnes kommue dei neste 4 åra lyt vere opp til veljarane å avgjere no på måndag. Les meir →
Lagt inn i Kommunevalet 2011 | Skriv eit innspel

Forhandling framføre krig! – om Forsvarets aktivitet i Evjemoen skytefelt

Lagt inn 9. september 2011 av admin
LESARBREV 9.september 2011. Einskilte personar og parti vil kaste Forsvaret ut av kommunen. Eit takk for sist etter at verksemda på Evjemoen vart lagt ned. Er dette den rette løysinga? Vil kommunen vere tent med ei slik løysing? Fram til tusenårsskiftet var Forsvaret sjølve grunnsteinen i Evje og Hornnes kommune. Dette var utvilsamt den største arbeidsplassen i bygda – og samstundes ein stor forbrukar av lokale tenestar. Det var nærast domedagsprofetiar då nyhenda om nedlegging av rekruttskulen gjekk opp for folk. Evje ville verte ein spøkelsesby. Berre elende. Ti år har no gått. Kommunen gjeng så det susar. Aldri har det vore fleire arbeidsplassar i kommunen. Aldri før har det vore så mange innbyggjarar i kommunen. Dette til trass for at Forsvaret trekte seg ut or Evjemoen leir. Framleis øver dei i skytefeltet på Evjemoen. Eit unikt øvingsfelt med mange moglegheiter og ikkje minst mange ulike skytebaner. No vil einskilde parti ha slutt på dette og. Dei tykkjest framleis å vere bitre på at Forsvaret drog – og med det tvang kommune, næringsliv og innbyggjarar til å tenkje nytt. Noko som og har gjort Forsvaret til medskuldige i at Evje og Hornnes kommune er kva den er i dag.
I samband med arbeidet med ny kommuneplan kom det fram eit støykart som var negativ lesing med tanke på framleis vekst i kommunen. Alt for store område synte seg å vere råka av støy frå skytefeltet. Smell frå ulike våpen som har vore ein del av kvardagen i kommunen gjennom dei siste hundre åra. Skogshogst dei siste åra har gjort at støyen har auka i omfang i einskilde delar av kommunen. Slik kan me ikkje ha det. Noko må gjerast, men å stenge døra for framtidig aktivitet i skytefeltet meiner eg ikkje er rette løysinga. Les meir →
Lagt inn i Kommunevalet 2011 | Skriv eit innspel

Bruk røysteretten din.

Lagt inn 30. august 2011 av admin

Pressemelding 29. august 2011. Ein ny valkamp er i gong. For einskilde parti byrja denne alt tidleg på sumaren. Hendinga den 22.juli har likevel lagt ein dempar på det meste av slik aktivitet.. Lokalpolitikk vert på mange måtar så meiningslaust no som terroren har råka kvar einskild av oss. Tverrpolitisk Bygdeliste, i Evje og Hornnes kommune, har difor ikkje skipa til nokon storslegen valkamp. Me sløyfer dei fleste av eigne innlegg i lokalpressa, og me er varsame med å love at alt skal verte så uendeleg mykje betre etter valet den 12. september. Tverrpolitisk Bygdeliste er ikkje tilhengar av valflesk. Les meir →

Lagt inn i Kommunevalet 2011 | Skriv eit innspel

Valkampen er i gong!

Lagt inn 28. august 2011 av admin

Laurdag var bygdelista på plass i Evje sentrum for å drive valkamp. Tony hadde ansvaret for utdeling av «lappene» som Else hadde bakt. Desse var umåteleg populære og eit godt trekkplaster til teltet. Til laurdag er me igjen på plass utanfor sparebanken – med Else sine lapper!

Lagt inn i Kommunevalet 2011 | Skriv eit innspel

Kunngjering frå Nasjonalbiblioteket

Lagt inn 19. august 2011 av admin

«Det gjøres oppmerksom på at denne nettsiden blir innsamlet og lagret av Nasjonalbiblioteket, med det formål å dokumentere kommune- og fylkestingsvalget 2011.» (Nasjonalbiblioteket 19. august 2011)

Lagt inn i Ymse | Skriv eit innspel